Ulteriur Grischun - Maiensässfahrt: Til cun spezialitads da Cuira

La damaun baud a las set èsi ì liber: 3’000 scolaras e scolars da las scolas da Cuira han gì la «Maiensässfahrt». Els èn ids cun lur scolast e scolastas a culm. Quai di è stà sut in motto spezial: protecziun encunter il sulegl. La Lia grischuna encunter cancer ha mussà als uffants, co ch'ins sa protegia endretg encunter il sulegl.

Highlight: til cun costums

La saira è alura stà in grond cortegi cun tut ils uffants atras la citad da Cuira. Quest onn eran ils uffants costumads tenor il motto «Churer Spezialitäten».

1 / 22

Legenda: Las spezialitads da Cuira è stà il tema dal cortegi. Qua na dastga il Churer Röteli betg mancar. RTR, M. Decurtins

2 / 22

Legenda: Las pendicularas da chasa da Cuira - las pendicularas da Brambrüesch èn ina spezialitad da Cuira. Ergo era in sujet dal cortegi. RTR, M. Decurtins

3 / 22

Legenda: Era il barbus cun la blusa da signuns tutga tiers, sch'il tema è Brambrüesch. RTR, M. Decurtins

4 / 22

Legenda: Ideas da mascradas che fan surstar era ils mascrads. RTR, M. Decurtins

5 / 22

Legenda: Cabinas da la telecabina da Brambrüesch. Ils da Cuira enconuschan er las singulas numeras sco buns vegls amitgs. RTR, M. Decurtins

6 / 22

Legenda: Las musicas da Cuira accumpognan il cortegi RTR, M. Decurtins

7 / 22

Legenda: Il vegl bajetg dal museum d'art a Cuira è sta in sujet al cortegi. RTR, M. Decurtins

8 / 22

Legenda: Metter tut en il dretg rom. Ils quadrils da la fassada dal nov bajetg dal museum d'art dal Girschun: Ina da las spezialitads pli novas da Cuira. RTR, M. Decurtins

9 / 22

Legenda: Objects d'art èn ils 'cortegiants' sez era in zichel. RTR, M. Decurtins

10 / 22

Legenda: L'art è en l'intern. Las ramas simboliseschan ils quadrels da la fassada (nova) dal bajetg (nov) dal museum d'art dal Grischun a Cuira. RTR, M. Decurtins

11 / 22

Legenda: Interessant è gea adina: Tge è en en ellas, en las rundellas ;) RTR, M. Decurtins

12 / 22

Legenda: Anc dapli art da rundellas. RTR, M. Decurtins

13 / 22

Legenda: Era ina Viafier Retica che va atras la citad na datti betg savens. RTR, M. Decurtins

14 / 22

Legenda: Cura che la viafier Retica passa tras Cuira ston ils. autos spetgar davostiers RTR, M. Decurtins

15 / 22

Legenda: Era ils nunmascrads hai dà al cortegi: Scolaras e scolars dal stgalim superiur ed ils scolasts. RTR, M. Decurtins

16 / 22

Legenda: Era betg costumads, però quasi a la testa dal cortegi. RTR, M. Decurtins

17 / 22

Legenda: Ina spezialitad betg mo da Cuira: il favugn che sufla stedi. RTR, M. Decurtins

18 / 22

Legenda: Spierts e nanins datti era a Cuira - almain al cortegi. RTR, M. Decurtins

19 / 22

Legenda: Nua sa zuppan spierts e nanins? Cler: Davos plontas e sut crappa 'uuu' greva. RTR, M. Decurtins

20 / 22

Legenda: La parada da schlaghers tutga tar Cuira sco il tschaiver tar Domat... u na? RTR, M. Decurtins

21 / 22

Legenda: Si cun ellas. Mo per tge stattan ellas? RTR, M. Decurtins

22 / 22

Legenda: Il dialect a 'Khuur' è era ina da las spezialitads da Cuira preschentada al cortegi. RTR, M. Decurtins

Plain colurs ed en differentas furmas han els mussà lur costums sut enzainas sco la vopna da la citad, il dialect da Cuira u il museum d'art. Mintga trais onns fan ils uffants il cortegi en costums tenor in motto spezial.

«Mora isch schualfrei!»

Al la fin dal cortegi èn tut las scolaras e tut ils scolars sa rimnads sin la Quaderwiese per chantar la chanzun dal mises e la chanzun da la citad. Finì ha la «Maiensässfahrt» 2016 cun l'annunzia la pli bella per tuts uffants: «Mora isch schualfrai!»