Maiavilla: Chatschader è sa disgrazià

Sur Maiavilla hai dà sonda suentermezdi in accident mortal da chatscha. Sco quai che la polizia communitgescha, era l'um vi da trair or d’ina val in chamutsch ch'el aveva sajettà cura ch'el è sa glischnà or ed è crudà radund 5 meters en la profunditad.

tegia da chatscha

Legenda da maletgs: Maletg da simbol: Tegia da chatscha. Keystone

Ses collega da chatscha, ch'ha pudì observar l'accident davent da la chamona da chatscha, ha alarmà la Rega. Ils medis han però sulettamain pudì constatar la mort da l'um da 62 onns. Il Careteam grischun è s’occupà dal collega da chatscha e dal figl dal disgrazià.

RR novitads 11:00