Siglir tar il cuntegn

Ulteriur Grischun Luzein: 9,6 milliuns per protecziun da lavinas al Chüenihorn

Ils proxims diesch onns pon ils rempars da lavinas al Chüenihorn vegnir renovads ed amplifitgads.

Rempars da lavinas al Chüenihorn.
Legenda: Ils rempars da lavinas al Chüenihorn vegnan renovadas ed amplifitgadas. Keystone

La radunanza communala da Luzein ha concedì in credit da 9,6 milliuns francs per il project da renovar ed amplifitgar ils rempars da lavinas al «Chüenihorn». Las lavurs duain vegnir exequidas en etappas e quai durant ils proxims diesch onns. Per onn vegn quintà cun custs da 850'000 fin 1 milliun francs. Luzein po quintar cun contribuziuns federalas e chantunalas dad 80% dals custs per quest project. Latiers ha il chantun pajà en il rom da la fusiun da las duas vischnancas da Luzein e St. Antönien 1,6 milliuns francs per rempars da lavinas.

Plinavant entra Bernhard Brüllhart da nov en la suprastanza communala da Luzein. El rimplazza Hans-Christian Widmer ch'ha demissiunà cun la fin d'avrigl.

RR novitads 11:00