Lia Rumantscha duai daventar pli transparenta

La Lia Rumantsch ha envidà sonda ad ina dieta publica a Cuira. En workshops èsi vegnì discutà davart tematicas ch’en relevantas per la cuminanza linguistica.

Il punct principal da la dieta è stà la structura da la Lia Rumantscha. Igl è vegnì giavischà che quella daventia pli transparenta e vegnia per part midada. Quai pero senza che tschertas gruppaziuns sco per exempel la Giuventetgna Rumantscha perdian lur valur.

Er duessan Rumantschs e Rumantschas che vivan ordaifer il territori tradiziunal Rumantsch vegnir integrads meglier en la Rumantschia. Plinavant vegn giavischa ch'ina sort post d’observaziun survegilescha midadas politicas sco fusiuns da vischnancas e da circuls en la Rumantschia.


Dieta da la Lia Rumantscha

1:19 min, Actualitad dals 12.06.2016

Johannes Flury, il president da la Lia Rumantsch è cuntent cun l'output da la dieta. Las discussiuns durant ils workshops sajan stadas fitg positivas e cun bler respect envers autras opiniuns.

RR actualitad 07:00