Siglir tar il cuntegn
Inhalt

Ulteriur Grischun Landquart survegn in nov center per pachets

Sco quai che la Posta Svizra ha communitgà, fa Landquart part d'in project d'investiziun svizzer. En tut vul la posta investir 150 milliuns francs ils proxims trais onns en novs centers regiunals per pachets.

Pachet en il center da pachets a Daillens en il chantun Vad.
Legenda: La Posta Svizra reagescha cun las investiziuns sin il commerci online che crescha ad in crescher. Keystone

Sper Landquart duai er dar tals centers a Cadenazzo en il Tessin ed a Vétroz en il Valais. La Posta vul uschia tranter auter reagir sin il commerz online che crescha ad in crescher ed er sin il giavisch dals clients da retschaiver ils pachets uschè svelt sco pussaivel. En il nov center per pachets a Landquart vegnan prendì ensemen ils centers actuals da Buchs e Landquart. Previs èn bajetgs d'industria cun staziuns da chargiar camiuns gronds e pitschens. La capacitad da sortir dals novs centers è tenor la Posta tar 8000 pachets per ura. Il 2016 ha la Posta Svizra repartì 122 milliuns pachets. Quai èn 6% dapli che anc il 2015.

RR novitads 11:00