Landquart - Novs edifizis per center da dietas Plantahof
Per esser confurm al temp duain ils edifizis dal center da dietas Plantahof a Landquart vegnir construids da nov. Ils edifizis èn gia en funcziun dapi 40 onns. La regenza ha deliberà la missiva per mauns dal Cussegl grond.
Ils novs edifizis duain avair ina infrastructura progressiva. Ins veglia correspunder a las pretensiuns energeticas, ecologicas e da la segirezza tecnica dal temp. Er duajan ils edifizis esser accessibels senza obstachels.
Ils custs da construcziun muntan a 24,5 milliuns francs. Sch’il Cussegl grond approvescha il project ed il credit d’obligaziun, pudess il suveran decider il favrer 2020 en chaussa.
