Oz è stada la radunanza generala da la SRG.R a Cuira. Tar questa chaschun è l’artist da linguatg brigliant, professer dr. Clà Riatsch vegnì undrà cun il premi SRG.R.
Il professer per il linguatg e la cultura rumantscha possia fascinar students ed auditurs per las particularitads dal linguatg rumantsch. Riatsch ha gì grond plaschair dal premi.
Jau avess mai pensà che nossas emissiuns litteraras avessan uschè in resun.
Gion Lechmann en la suprastanza
Cunquai ch’il vicepresident Duri Blumenthal na po betg pli star a disposiziun per in’ulteriura perioda d’uffizi è Gion Lechmann vegnì elegì en la suprastanza, e quai unanimamain. El haja tschaffen da questa incarica impurtanta.
Roger Tuor daventa nov president dal cussegl dal public
Era il president dal cussegl dal public, Michael Spescha, na po betg pli star a disposiziun per quai post. Uschia è il vicepresident Roger Tuor daventà president. Quai saja ina bella onur ed in grond plaschair, ed el sa legria sur tut da na betg pli stuair scriver protocol.
Elecziuns senza problems u tensiun
Tut ils posts per ils gremis da la SRG.R per la perioda d’uffizi 2017-2020 èn occupads. Ils candidats e las candidatas èn tuts vegni elegids unanimamain. Sulet il president actual, Oskar Knapp, è vegni elegì mo per 2 onns perquai ch’el cuntanscha lura la limita da vegliadetgna da 70 onns.
RR novitads 15:00