La punt sur il Rain a Reichenau sa preschenta en nova splendur

Suenter dus onns lavurs da reparaziun è la punt sur il Rain a La Punt-Reichenau uffizialmain finidas. Ils custs budgetads da 4 milliuns francs n’èn betg vegnids surpassads.

La punt da l’onn 1881, ina construcziun da travs da fier, aveva ils tipics donns da corrosiun. La construcziun purtanta d’atschal vegniva enfin uss sulet protegida d’ina platta da betun betg isolada. Sco il departament da construcziun, traffic e selvicultura chantunal scriva vulevan ils responsabels en collavuraziun cun la tgira da monuments dal Grischun mantegnair la construcziun da la punt sco ch'ella era vegnida construida. Uschia è vegnida per exempel allontanada la protecziun cunter corrusiun ed er la platta da betun è vegnida remplazzada.

«  Natiralmain avess ins era pudì stgarpar giu la punt, dentant fiss quai stà donn. »

Mario Cavigelli
Cusseglier guvernativ

Lavurs han custà circa 4 milliuns francs

La punt è vegnida preschentada a la publicitad ils 10 da december. Per garantir che la construcziun da travs da la punt possia vegnir duvrada uschè ditg sco pussibel vegn la punt dada libra vinavant er sulet per vehichels cun in pais da maximal 7 tonnas. Sco il chantun scriva na saja il preventiv da circa 4 milliuns francs betg vegnì surpassà.

Las lavurs da renovaziun da la punt da fier istoricamain impurtanta hajan durà sco planisà dus onns - sco il chantun scriva. Custà a la renovaziun var 4 milliuns francs.

Per proteger la punt uschia ch'ella po vegnir duvrada anc ditg - è la punt a La Punt/Reichenau vinavant dada libra mo per vehichels cun in pais maximal da 7 tonnas.