La parada da schlaghers cun 30'000 persunas

30'000 persunas han festivà in sonda il schlagher – quai èn la 20avla Schlagerparade a Cuira. Mo intginas uras pli tard na ves'ins quasi pli nagut da quella gronda festa. Pervi che la fevra da schlaghers era uschia curta, qua anc ina giada tut la parada en video (p.pl. guardar cun browser Firefox).

Var 30’000 aspectaturs hajan giudì il cortegi cun 25 vehichels da hossa ed autras attracziuns scriva la polizia da Cuira.

Parada da schlaghers total 2 - en vista da 360 grads

La bun’ura suenter la parada fa la polizia da la citad da Cuira ina bilantscha generalmain positiva da la 20avla parada da schlaghers. Durant il cortegi n’avessi quai dà nagins problems – tant da vista dals organisaturs sco era da la polizia.

La notg libra ha motivà ils fans da schlagher da prolungar lur festa anc en per la notg. La polizia da Cuira haja stuì intervegnir ina u l’autra giada: Ella è vegnida clamada tar dispitas, consum d’alcohol excessiv e canera memia ferma.

Cun quai che la polizia ha augmentà il persunal per la notg haja quel savens pudì intervegnir adura avunda per evitar conflicts u escalaziuns, scriva la polizia vinavant.

RR novitads 20:00+