Igl era tradiziun che la HIGA era sur ascensiun. Varga 50'000 persunas visitavan mintg'onn l'exposiziun. Cun la nova data spera Marco Engel, il schef da la HIGA, dentant sin anc dapli glieud. El speria spezialmain che la segunda fin d’emna haja uss dapli visitaders. «Cunquai che blers faschevan adina la punt sur ascensiun, n'eran blers betg denturn.»
Era ils expositurs hajan reagì positiv sin la nova data. Il dumber d’expositurs saja sin il medem nivel sco ils ultims onns. Marco Engel conceda dentant era ch’i dat tscherts ristgs da manar atras gia il mars la HIGA. I saja pussaivel ch’i fetschia pulit fraid dals 17 enfin ils 25 da mars.
Stgaudar la tenda è pli simpel e pli bunmartgà che sfradentar.
Exposiziuns spezialas
Era tar la 62avla ediziun da la HIGA stattan las exposiziuns spezialas en il center.
Uschia datti quest onn exposiziuns davart il meglier ami dal carstgaun – il chaun, u davart il giubileum da 100 onns da las battasendas en il Grischun.
RR actualitad 17:00