Las votantas ed ils votants han approvà il credit da 3,4 milliuns francs, cleramain cun 2'723 encunter 502 vuschs. Ils custs totals per renovar la halla muntan a 25 milliuns francs. Il chantun aveva gia concedì in credit da 5 milliuns francs. Davart il rest da la summa, che pertutga investiziuns che ston vegnir fatgas, decida il cussegl communal da Tavau.
Il stadion actual dal 1979 n’ademplescha betg pli las pretensiuns da segirtad.Tranter auter duai dar meglras pussaivladads da fugir en cas d'urgenza, novas entradas, ina sort suler enturn il stadion, dapli plazzas da seser e pli paucas da star sin pes. 6'600 persunas chattan plazza en il stadion renovà, in zic pli paucas che actualmain.
Il stadion renovà duai esser en funcziun a partir dal 2021.
RR novitads 13:00