Siglir tar il cuntegn

Ulteriur Grischun La fradaglia fa tema als purs da vin

La notg da mesemna sin gievgia vegn a procurar per pauc sien tar ils purs da vin en il Signuradi. Las temperaturas èn gia dapi intgins dis fitg bassas. Quai è in grond problem per ils purs da vin dal Signuradi.

Ina vigna. Las vits èn curcladas cun ca. 3 centimeters naiv. Davosvart ina chasina da viticulturs.
Legenda: Ina vigna a Jenins en la naiv (fotografia da la fin d'avrigl 2013) Keystone

Pervi da la fradaglia che vegn spetgada la notg da mesemna sin gievgia han ils viticulturs gì ina sesida d’urgenza il glindesdi. Els ston prender mesiras per proteger las vits e proteger las vignas dal fraid. I vala da salvar la racolta.

Chandailas e tagliar pastg gida

In agid porschan chandailas spezialas da parafin che duain stgaudar las vignas. Questas chandailas duain stgaudar l'aria enturn las vits per da quai da dus grads.

Plinavant duain ils viticulturs tagliar il pastg enturn las vignas. Uschia possia l'aria circular meglier ed il fraid sa movia uschia en direcziun dal plaun da la val e davent da la vigna. Quai cusseglia Georg Fromm, president da l’uniun «Wein Graubünden». Per la racolta da quest onn spetga Georg Fromm cun perditas da tranter 10% ed 80%.