La fiera da Nadal da la scola Daleu

Ils uffants da la scola e scoletta Daleu da Cuira zambregian, malegian, tatgan e taglian dal tut per lur fiera da Nadal ch’è sin l’areal da scola. Questa emna è tut speziala per il uffants, igl è in’emna da project.

Ils scolars e scolarets èn vegnids partids en gruppas maschedadas. Grond e pign lavuran vi da differents products da Nadal – biscuits, pastas en furma da stailas, savunarias da tuttas colurs, anghels cun frisuras selvadias u er cartas cun in salid da Nadal. Tut quai vegn per il mument zambregià per savair vender.

Program da divertiment

Il suentermezdi exerciteschan tuts ensemen chanzuns e sauts. Uschia è era in program da divertiment garantì a la fiera da Nadal ch’è venderdis, ils 11 da december a partir da las 17:00 sin l’areal da la scola Daleu. Ils daners van a la fundaziun «Denk an mich».