Siglir tar il cuntegn

Ulteriur Grischun La direcziun da la scola da Cuira è puspè cumpletta

Martina Staiger è la nova vicedirectura da la scola da Cuira.

Martina Staiger.
Legenda: Martina Staiger, la nova vicedirectura da la scola da Cuira. MAD

Ils 20 da favrer ha il cussegl da la citad da Cuira elegì Martina Staiger sco vicedirectura da la scola da la citad. Staiger ch'ha 41 onns ed è oriunda da Maiavilla surpiglia il 1. da mars sia nova incumbensa. Ella succeda a Reto Thöny che va sin la fin da favrer en pensiun.

Martina Staiger è magistra secundara phil. II e lavura dapi l'avust 2016 tar la scola da la citad da Cuira, quai sco manadra da la chasa da scola Rheinau. La direcziun da la chasa da scola Rheinau surpiglia ad interim Jean-Pierre Weingart, ch'è vegnì pensiunà la stad 2017 sco manader da la chasa da scola Giacometti.

Il team da la direcziun da la scola da citad è uschia, cun l'elecziun dad Ursina Patt sco directura e Fabio Cantoni sco schef da stab, puspè cumpletta.

RR novitads 12:00