Siglir tar il cuntegn

Header

Navigaziun

La fassada dal teater da Cuira
Legenda: Il stan dal teater da Cuira na tanscha tenor la strategia betg als basegns d'ozendi. RTR, Alexi Baselgia
cuntegn

Ulteriur Grischun La cultura a Cuira duai survegnir dapli paisa

La citad ha elavurà ina strategia da cultura per il 2017 fin il 2020, per definir la paisa che la cultura duai avair per Cuira e nua che la citad duai impunder ils daners publics. E la promoziun da la cultura duai succeder a moda transparenta e clera. Il sboz va uss en consultaziun.

La lescha davart la promoziun da la cultura da Cuira è da l’onn 2002, e quella fixescha sulet ils duairs fundamentals pertutgant la promoziun da la cultura. Uss ha la citad elavurà ensemen cun la cumissiun da cultura e sut la direcziun dal post spezialisà per la cultura in sboz d’ina strategia da cultura per ils onn 2017 fin 2020. A la consultaziun pon sa participar tut ils interessents, quai fin ils 20 da favrer 2017.

Propostas detagliadas

Il sboz da la strategia da cultura enumerescha en tut 27 prioritads per la promoziun. Ina proposta è che Cuira sustegnia dapli occurrenzas culturalas trilinguas. Vinavant vulan ins per exempel optimar il diever da las immobiglias da la citad che servan a la cultura. En spezial duai l’infrastructura dal teater da Cuira vegnir modernisada.

RR novitads 16:00