Siglir tar il cuntegn

Ulteriur Grischun «La carta da visita dal Grischun»

10 dis - 10 onns staziun da Cuira. Sut quest motto vegn festivà il giubileum da la staziun da Cuira e quai anc enfin ils 27 d'avust. In che ha persequità ils plans ed ha accumpagnà la renovaziun è Stefan Engler. Ozendi va el losch tras la staziun da Cuira.

Il maletg mussa Stefan Engler che guarda sur ils binaris e la staziun da Cuira ora.
Legenda: Il president da la Viafier retica Stefan Engler guarda sur la staziun da Cuira ora. RTR/nc

Avant la renovaziun saja surtut il sutpassadi stà stgir e stretg, sa regorda il cusseglier dals chantuns e president da la Viafier retica. Ord vista dal traffic saja surtut stà da far urden cun ils autos, bus ed autos da posta che traversan la plazza avant la staziun.

La staziun da Cuira è il punct central dal traffic public en il Grischun.
Autur: Stefan EnglerPresident Viafier retica

Ozendi sa preschentia la staziun surtut cun in'entrada moderna, in sutpassadi pli lad e pli cler, meglieras infurmaziuns per ils giasts ed ina maschaida d'architectura moderna cun bajetgs istorics, ha Stefan Engler tradì sin ina tura tras la staziun da Cuira.

Per la renovaziun da la staziun da Cuira hai dà bleras ideas, blers projects ed igl è stà ina lunga via enfin l'avertura l'onn 2006.