Ulteriur Grischun - La Caritas schlargia la purschida a Cuira
Il martgà da la Caritas a Cuira ha midà localitad. Da nov è el a fit a la Tittwiesenstrasse 27. Questas localitads sajan pli grondas, uschia ch'era la purschida possia vegnir engrondida, di Ursi Kurmann, la manadra dal martgà. Vinavant datti era in nov café che porscha plaz per radund 30 giasts.
Bunura: La Caritas engrondescha sia stizun a Cuira
03:06 min, ord Actualitad dals 04.04.2016.
laschar ir. Durada: 3 minutas 6 Secundas.
Il martgà vegl eri daventà memia pitschens, di Ursi Kurmann. La clientella creschia, il magasin eri miserabel, il chantun dal café en il martgà eri savens enta pais.
Intgantai da la midada
Tar l'avertura èn las curunas bain emplenidas. Quai n'è dentant betg adina uschia. Ins saja dependents da la centrala da la Caritas e dals furniturs, di Kurmann. Il sortiment creschia dentant ad in crescher.
1 / 9
Legenda:
Verdura e fritgs dattan colur a la butia.
RTR, N. Cadonau
2 / 9
Legenda:
Las frestgeras en bain emplenidas.
RTR, N. Cadonau
3 / 9
Legenda:
La butia ed il nov café duajan daventar in lieu da s'entupada per tuts.
RTR, N. Cadonau
4 / 9
Legenda:
L'avertura dal nov martgà da la Caritas e dal nov café ha carmalà bleras persunas.
RTR, N. Cadonau
5 / 9
Legenda:
Per quels che n'han betg blers raps è il martgà da la Caritas in levgiament.
RTR, N. Cadonau
6 / 9
Legenda:
Il café n'è betg pli en la butia, mabain en ina stanza supplementara, davos la butia.
RTR, N. Cadonau
7 / 9
Legenda:
Il café Georgina duai carmalar tuts.
RTR, N. Cadonau
8 / 9
Legenda:
"Georgina" saja in bel num tipic grischun, manegia Claudio Lardi, il president da la Caritas grischun.
RTR, N. Cadonau
9 / 9
Legenda:
Georgina Caminada, suprastanta da la Caritas grischun, ha plaschair dal nov café, dentant betg exnum dal num da quel.
RTR, N. Cadonau
Café Georgina
Betg mo il martgà engrondì duai far plaschair a la clientella, mabain er il café nov. Quel ha survegnì il num Georgina, perquai ch'il president da la Caritas grischun, Claudio Lardi, è intgantà dal num grischun. Inspiraziun ha Georgina Caminada dà, commembra da la suprastanza da la Caritas grischun. Ella è intgantada dal nov café, dentant betg exnum dal num. Ella possia viver cun quai.
Il martgà ed il nov café duajan daventar in lieu da s'entupada.
