Siglir tar il cuntegn

Header

cuntegn

Ulteriur Grischun L'hotel Alpina a Tschiertschen avra sias portas

L'architect Ah Kingh Teo da la Malaisia ha investì plirs milliuns francs per renovar l'hotel. La fatschada è la veglia, ma endadens è tut sa midà.

Las 20 chombras dublas e las 7 suitas han survegnì in vestgì da schember. I dat in nov Spa ed ina terrassa panoramica. L'hotel duai er carmalar giasts da l'entir mund si Tschiertschen, tranter auter er cun ina cuschina extraordinaria. Ina maschaida tranter cuschina Svizra e cuschina Asiatica.

audio
Hotel Alpina a Tschiertschen avra sias portas
ord Actualitad dals 18.12.2015.
laschar ir. Durada: 2 minutas 41 Secundas.

L'architect Ah Kingh Teo giauda ina reputaziun internaziunala. El ha tranter auter planisà las inslas artifizialas da Dubai, ubain il ippodrom da Meydan. Ah Kingh Teo ha er fundà il China Horse Club, in club dad umens da fatschenta Asiats fitg ritgs cun grond'influenza. Il hotel Alpina duai tranter auter er esser in lieu d'inscunter per ils commembers da quest club.

Dasper in Spa ch'è er avert per il public porscha l'hotel stanzas da seminari, ina vinoteca cun ina purschida exclusiva ed ina bar che duai esser in lieu d'inscunter per giasts ed indigens.

L'hotel vegn manà da Michael e Marlies Gehring. Chris Trewer è responsabel per la cuschina.

Artitgels legids il pli savens