Ulteriur Grischun - L'aura ha spendrà las cursas da chavals a Maiavilla
Cun la terza emprova èsi tuttina anc gartegià. En ina versiun redimensiunada hai dà en total otg cursas: Duas cursas al trot, duas cursas senza impediments e quatter cursas cun impediments. Eveniment principal è stà la cursa da cross sur 5,4 km, il «Grond Premi da Maiavilla».
La suprastanza da l'uniun da cursas Maiavilla / Bogn Ragaz ha decidì avant in'emna da far en total otg cursas. Uschia hai tuttina anc dà ina 61avla ediziun da las cursas tradiziunalas suenter che omadus dis eran vegnids annulads.
Victur dal premi principal, la cursa da cross sur 5,4 km cun in premi en la valur da 25'000 francs è il chavaltgader Rapahel Lingg cun il chaval Egisto.
Bun'atmosfera malgrà pli pauc glamour
Ediziun 2017 en cifras
Avrir la boxSerrar la box
55 chavals
40 chavaltgaders
5'500 aspectaturs
67'936 francs svieuta da scumessas
passa 100 gidanters
premis en la valur da 101'000 francs
La tribuna e la tenda da festa èn vegnidas remplazzadas cun in manaschi d'ustaria redimensiunà: L'offerta è survesaivla ed ils pretschs moderats. In ambient che regorda a temps passads.
A la bun'atmosfera n'ha quai però betg fatg donn. La bell'aura ha attratg da blera glieud che ha er gi pazienza sch'i era da star en colonna in quart'ura avant il stan da liongias u en tenda da scumessas.
President cuntent
Ruedi Niederer, il president dal comité d'organisaziun è cuntent cun quai ch'è anc stà pussaivel da realisar suenter las desditgas dals termins uffizials. Cunzunt il grond dumber d'aspectaturs enturn mezdi ed er blers resuns positivs ha fatg surstar el positivamain. El saja segirs dad avair prendì las dretgas decisiuns per questa situaziun extraordinaria e guardia optimistic en l'avegnir.
Per decider definitivamain davart l'avegnir da las cursas da chavals a Maiavilla dovri però anc ina analisa detagliada, uschia scrivan ils organisaturs en ina communicaziun a las medias. Quai gist er suenter tut la lavur da reorganisaziun entaifer ils ultims dis e la situaziun extraordinaria da questa ediziun.
1 / 14
Legenda:
Cursa da Somedia.
RTR, Gion Gieri Flepp
2 / 14
Legenda:
Cursa da chavals a Maiavilla.
RTR, Gion Gieri Flepp
3 / 14
Legenda:
Tgi gudogna la cursa?
RTR, Gion Gieri Flepp
4 / 14
Legenda:
Stupenta aura per las cursas.
RTR, Gion Gieri Flepp
5 / 14
Legenda:
Jürg Langmeier cun il chaval Manolo è il victur da la terza cursa.
RTR, Gion Gieri Flepp
6 / 14
Legenda:
Igl interess per las cursas è gronds.
RTR, Gion Gieri Flepp
7 / 14
Legenda:
Tenda da scumetter.
RTr, Gion Gieri Flepp
8 / 14
Legenda:
Tenda da scumetter.
RTR, Gion Gieri Flepp
9 / 14
Legenda:
Terza cursa è a fin.
RTr, Gion Gieri Flepp
10 / 14
Legenda:
Blers aspectaturs èn vegnids per guardar las cursas.
RTR, Gion Gieri Flepp
