Il Departament federal da defensiun è il mument vida lavurar sin incumbensa da las autoritads civilas. Dals 15 fin ils 25 da schaner vegnan maximal 5’000 schuldads ad esser a disposiziun per il Forum mundial d’economia a Tavau. En la vischnanca da Tavau vegnan sulet militars professiunals da la polizia militara a far servetschs quai surtut per la protecziun da persunas e per las controllas d’access. Ordaifer Tavau protegia l’armada l’infrastructura e sustegn la logistica.
La responsabladad è els mauns dal chantun
Tenor il Departament federal da defensiun possedan la schuldada en acziun cumpetenzas da polizia durant il WEF. Er la protecziun dal spazi d’aria è ina incumbensa federala. L’acziun dal militar succeda en il princip da subsidiaritad, quai vul dir che la responsabladad principala da la segirtad ed il commando principala è els mauns da la polizia chantunala grischuna.
RR novitads 12:00