Siglir tar il cuntegn
Inhalt

Ulteriur Grischun L’Alpspektakel en il Partenz festivescha in giubileum

Per la 10avla giada vegn quest onn manà tras l’Alpspektakel, in eveniment ch’è daventà ils ultims onns il pli grond eveniment en il Partenz.

Il pur Ueli Valer da Jenaz.
Legenda: Il pur Ueli Valer da Jenaz, in dals chaus davos l’Alpspektakel. RTR/S. Guetg

Ils organisaturs quintan era quest onn cun var 10'000 visitaders. Il spectacul ha lieu fin dumengia sin l’areal da festa a Seewis.

Il Partenz è ina gronda regiun dad alps en il Grischun. 27 alps produceschan mintga stad 150'000 kg chaschiel. Cun il Alpspektakel vulessan ils purs, ensemen cun il turissem, far pli enconuschenta la regiun e promover la vendita da products indigens.

Ueli Valer è pur da Jenaz ed è s’engaschà davent da l'entschatta. El raquinta da las sfidas e da las regurdientschas en vista a l’ediziun da giubileum.