Jenaz – 2 chatschaders grevamain blessads

Si sur Jenaz s’èn blessads 2 chatschaders grevamain cura ch’els vulevan transportar in tschierv sajettà. Quai ha communitgà la Polizia chantunala.

Ina costa aut sin en las muntognas, verd, dus policists.

Legenda da maletgs: Il lieu da l'accident si sur Jenaz en il Partenz - la polizia chantunala e la procura publica grischuna examineschan il cas. PoCha

L’accident è capità curt avant las 16:00 sin in autezza da 2’000 meters sur mar en vischinanza da l’Obersäss Fannin, scriva la Polizia chantunala. Ils dus chatschaders, dus frars da 61 e 57 onns, han gidà a lur collegas da chatscha da transportar in tschierv.

Quai è vegnì fatg cun in turn da suga. Durant ch’els han distatgà l’animal vegn ad avair sa distatgà era il turn da suga. Sin quai èn vegnids blessads ils dus umens grevamain. Dus helicopters da la Rega han transportà els a Cuira. La Polizia chantunala e la procura publica grischuna examineschan il cas.

RR novitads 11:00