Siglir tar il cuntegn
Inhalt

Ulteriur Grischun Jauer Power a la festa da la citad da Cuira

La band giuvna «Blue Jeans» da la Val Müstair ha concertà a la festa da la citad da Cuira. La band Blue Jeans è sa sviluppada en la Scola da musica Engiadina Bassa/Val Müstair.

La band sa cumpona da duas giuvnas e dus giuvens ch'èn gist vegnids ord scola. Ronja e Deborah Hohenegger chantan, sunan la ghitharra (Ronja) ed il keyboard (Deborah). Ellas vegnan accumpagnadas alla ghitarra electrica da Daniel Duschletta ed a la battaria da Marco Forrer.

Gudagnà il concert a Trun

La band Blue Jeans è sa sviluppada en la Scola da musica Engiadina Bassa/Val Müstair. Il zercladur da quest onn è ella sa participada al Bamdmeeting da las scolas da musica dal Grischun a Trun ed ha gudagnà. Perquai han ils dus giuvens e las duas giuvnas pudì concertar sonda suentermezdi sin la tribuna en il parc da la citad da Cuira.