Siglir tar il cuntegn
Inhalt

Ulteriur Grischun «Jau hai dis cun ina svieuta da 10 francs»

Il prim fin ils 24 da december ha lieu dapi tschintg onns la fiera dal bambin a Cuira. Bain inqual martgadant fa dentant ina schletta fatschenta cun ses stan.

 La fiera da bambin a Cuira datti dapi tschintg onns.
Legenda: La fiera dal bambin a Cuira datti dapi tschintg onns. RTR, GIAN CARLO CANDINAS

Marie-Theres Bardill è quest onn l’emprima giada cun in stan a la fiera dal bambin a Cuira. Ella è trumpada da l’entira situaziun. I marschia davaira fitg pauc, ha la dunna che venda decoraziun da Nadal, Stailas u figuras da Nadal fatgas a maun, ditg envers RTR.

Marie Theres Bardill passenta mintga di otg uras al stan. Per part haja ella dis cun ina svieuta da 10 fin 20 francs. Pajà per il stan durant la fiera dal bambin ha ella 3'100 francs.

Duai jau bragir? Quai na gida era betg.
Autur: Marie-Theres Bardillpossessura d'in stan da decoraziun da Nadal

Era in stan che venda differents products da pesch ha enfin uss fatg ina schletta fatschenta. Il stan vegn manà d’in um da Lucerna, che tuts numnan Didi. El ha manegià che cumpareglià cun Lucerna saja l’atmosfera da Nadal a Cuira betg avant maun. La glieud paria stressada e n’haja betg peda da giudair la fiera.

RR actualitad 07:00