Inventx tranter ils megliers 10 emploiaders svizzers

En la categoria d'enfin 249 lavurers survegn l'interpresa grischuna il «Swiss Arbeitgeber Award». L'award premiescha interpresas en quatter categorias da grondezza, quai sin fundament d'enquistas tar ils collavuraturs.

Purtret d'in computer e divers servers davostiers.

Legenda da maletgs: L'Inventx po sa legrar da collavuraturs cuntents. Keystone

Il «Swiss Arbeitgeber Award» vegn realisà dal team da perscrutaziun e cussegliaziun «icommit». La retschertga è vegnida fatga sin fundament da consultaziuns anonimas da collavuraturs areguard cuntegn da lavur, cultura, direcziun, motivaziun, management da savida e spiert da team. Far part a la concurrenza pon interpresas cun 50 u dapli collavuraturs.

L'interpresa grischuna Inventx è ina spezialista d'informatica per bancas ed assicuranzas. La «icommit» ha dumandà tut ils collavuraturs e las collavuraturas pertutgant las differentas categorias. 89% dals dumandads hajan respundì. Uschia giaschia l'Inventx era qua sur la media, sco la «icommit» scriva.

RR novitads 11:00