Siglir tar il cuntegn

Header

cuntegn

Ulteriur Grischun «Instruments da controlla betg avant maun u na funcziunan betg»

Per l’expert fiduziari e revisur federal, Martin Cavegn èsi cler: In tal cas da fraud sco tar Allemann e Zinsli po be capitar sch’ils instruments da controlla na funcziunan betg u n’èn betg avant maun.

En ina societad acziunaria elegian ils acziunaris il cussegl d’administraziun che po consister or dad ina u pliras persunas. Quellas han lura l’incumbensa d’organisar il manaschi e d’introducir instruments da controlla. Er tar lur incumbensas tutga da mirar che quels instruments funcziuneschian.

audio
Mezdi: Revisur federal Martin Cavegn davart cas Allemann/Zinsli
ord Actualitad dals 07.04.2015.
laschar ir. Durada: 7 minutas 37 Secundas.

«E sch’i na vegn betg introducì da quels instruments da controlla ed il cussegl d’administraziun ha cumplainamain fidanza tar in commember dal cussegl d’administraziun u tar il manader da fatschenta, e na controllescha mai suenter, lura è quai pussibel», concluda Martin Cavegn.

In dals gronds cas en Svizra

Il cas da fraud ch'è vegnì a la glisch tar il biro fiduziari Allemann e Zinsli è per relaziuns svizras in dals gronds cas da criminalitad economica. Pertutgads dal fraud èn sco quai ch’i para plirs clients. Tar la «Chasa da parcar Cuira SA» è il donn vegnì inditgà cun 3 milliuns francs.

Artitgels legids il pli savens