Siglir tar il cuntegn

Ulteriur Grischun Incendi en chasa da pliras famiglias a Cuira

I haja dà donns da material fitg auts. Persunas na sajan betg vegnidas blessadas.

Il brischament a Cuira ha chaschunà donns da material.
Legenda: Il brischament a Cuira ha chaschunà donns da material. MAD

A Cuira hai oz brischà en ina chasa da pliras famiglias, quai scriva la polizia chantunala. Ils pumpiers e la polizia da la citad da Cuira eran svelt al lieu ed hajan gì l’incendi era svelt sut controlla, scrivan ils responsabels. En l’abitaziun na possian ins betg pli viver, ils donns da material sajan fitg auts. Persunas na sajan betg vegnidas blessadas. La polizia chantunala investighescha uss en chaussa.

RR novitads 18:00