Tranter mesanotg e l'ina èn vegnids sajettads plirs fieus artifizials en la regiun dal stradun 17 a Claustra. In da quels fieus artifizials è sa platgà sin la vart suten dal tetg d'ina chasa da pliras famiglias ed ha mess en flomma la construcziun da lain. Quai ha chaschunà in braschlim.
40 pumpiers han stizzà il fieu e 20 abitants, tranter auter dus uffants, han stuì vegnir evacuads pervia fal fim. Gia il proxim di han els dentant pudì turnar en lur chasa. L'edifizi porta in donn da plirs millis francs. La polizia tschertga perditgas per sclerir l'incendi.
RR novitads 09:00