Siglir tar il cuntegn

Header

cuntegn

Ulteriur Grischun Inaugurà il nov center administrativ regiunal a Landquart

A Landquart è vegnì avert la gievgia uffizialmain il nov center administrativ regiunal dal chantun Grischun. 5 posts da servetsch chantunals cun radund 50 plazzas da lavur èn da nov concentrads en in lieu. Il nov edifizi è vegnì planisà e construì entaifer 2 onns.

La strategia chantunala d'immobiglias prevesa en tut il Grischun totalmain 9 centers regiunals en lieus che furman gia ussa centers administrativs. Ils emprims centers a Glion, Roveredo, Tusaun, Tavau e Scuol èn gia en funcziun ed èn sa cumprovads en la pratica. Ils proxims onns suondan ils centers a Cuira, Samedan e Puschlav.

5 posts da servetsch e 50 plazzas en in lieu

A Landquart sa chattan uss il servetsch psicologic da scola, l'inspecturat da scola Val dal Rain-Partenz-Tavau, il servetsch social Partenz/Signuradi/Tschintg Vitgs, l'uffizi da guaud e privels da la natira e la polizia chantunala.

Grazia a la reuniun possian vegnir tratgas a niz sinergias impurtantas e spargnads custs, scriva il chantun.

RR novitads 17:00

Artitgels legids il pli savens