Siglir tar il cuntegn

Header

Navigaziun

cuntegn

Ulteriur Grischun In spazi plain biodiversitad – la saiv viva

Sch'ins vul crear in spazi biodivers en l'agen curtin datti pliras opziuns. In prà da flurs selvadias, plantas da fritgs u in biotop. Ina moda da crear in spazi per la biodiversitad en l'agen curtin è ina saiv viva.

La saiv viva dal Plantahof è 300 meters lunga. Ella ha da tuttas sorts plantas e bostga, mantuns da crappa e roma per crear spazi da viver per uschè blers animals sco pussaivel.

Mintgin po crear ina saiv viva per la biodiversitad

Bun 40% da tut las spezias en Svizra en periclitadas. Dapli spazi per la biodiversitad po dentant mintgin crear. Ina saiv viva na sto betg esser 300 meters lunga sco quella dal Plantahof. Ella po era vegnir creada en mintga curtin en furma da bostgaglia. Impurtant è ch'ins è conscient davart l'autezza da la saiv avant ch'ins cumpra las plantinas. Meglier ch'ins enconuscha las circumstanzas en l'agen curtin e pli simpel ch'igl è da chattar las dretgas sorts da plantinas.

Pazienza è dumandada

Per laschar crescher ina saiv viva en l'agen curtin dovri cunzunt pazienza. Betg tuttas sorts creschan tuttina spert. Cura ch'ina saiv viva è creschida na fa ella betg blera lavur. Ins na duai betg tagliar ella memia bler. Per ina saiv viva vala la regla – pli selvadia e meglra per la biodiversitad. Sch'ins sto tuttina tagliar la saiv, ston ins resguardar da far quai ordaifer il temp da cuar dals utschels. Il lain vegl pon ins nizzegiar e far mantuns en la saiv per ils insects. Ideal è da plantar la saiv viva en il conturn dad in prà da flurs selvadias.

«Missiun B» – per dapli biodiversitad

«Missiun B» – per dapli biodiversitad

RR actualitad 17:30