Siglir tar il cuntegn
Inhalt

Ulteriur Grischun In restaurant sin pitschen spazi

Las studentas ed ils students da la Scola svizra per turissem e hotellaria han en rom da lur studi manà dus dis in restaurant en vaguns da tren.

La classa dal quart semester da la Scola svizra per turissem e hotellaria n'ha betg gist elegì il pli sempel lieu per metter en pe lur ustaria da pop-up ch'els mainan durant dus dis. Ils vaguns da tren nua ch'els beneventan ils giasts èn numnadamain fitg stretgs. Quai fatg haja er pretendì mesiras in zic spezialas, declera il student e manader da project Sandro Pucher. Cuschinà hajan els numnadamain tut en chasa da scola a Passugg.

Cuschinar qua na fiss betg stà pussibel. Nus savain sulettamain tegnair chaud e pinar ils plats en il vagun.
Autur: Sandro Pucherstudent e mainaproject

Er il service saja ina sfida en ils dus vaguns stretgs. Giasts e persunas dal service sappian strusch sa cruschar. Uschia ch'ils students dettian segns in a l'auter cun tschivlar ni clamar.

Or da la stanza da scola

Ils students han tschaffen da far in project pratic. Il project da manar ina ustaria da pop-up per dus dis saja ina buna chaschun per empruvar ora ed emprender insatge per pli tard.

Ils students han tiers las sfidas gì success cun lur project. Durant ils dus dis è lur ustaria da pop-up quatter giadas stada occupada cumplettamain. Vul di da gentar e da tschaina. Quai fan quatter giadas 60 giasts.

RR actualitad 17:00