Siglir tar il cuntegn

Ulteriur Grischun In ‘pajais d'urs’ per Arosa

Sis onns suenter che l'idea è vegnida lantschada è ussa sin maisa in project per in parc d'urs. Il suveran sto decider ils 27 da november davart il midament da zona per pudair realisar l'uschènumnà ‘pajais d'urs’.

Il chau dad in urs.
Legenda: Il pajais d'urs ad Arosa duai porscher in da chasa ad anteriurs urs da saut, da circus ni da cumbat. RTR

Il pajais d'urs duai vegnir realisà tar la staziun amez da la pendiculara Weisshorn e porscher plazza per 5 fin 7 urs. Quai ha confermà l’actuar da la vischnanca burgaisa da Cuira, la possessura dal terrain.

Ils custs per la realisaziun ed il manaschi surpiglian l’organisaziun «Vier Pfoten» e sponsurs, sco la Aroser Zeitung scriva. Decider davart il project sto dentant il suveran d’Arosa, quel sto approvar il midament da zona ils 27 da november 2016 per pudair realisar il parc. L’avertura fiss previsa per la stad ni l’atun 2018.

Idea naschida pervia dals ursets da Berna

Naschida era l'idea per in parc d'urs ad Arosa dal 2010. Quai suenter ch'i aveva dà pitschens en il parc d'urs a Berna e che quels avevan da tschertgar in nov da chasa.

La vischnanca burgaisa dad Arosa aveva dentant refusà da metter a disposiziun ses terrain dal 2012. Dapi là era quai intschert, sche l'idea po insumma vegnir realisada.

Infurmar sur dals detagls dal project vul Arosa Turissem a sia radunanza generala, ch'ha lieu ils 20 da settember.

RR novitads 16:00