Siglir tar il cuntegn

Header

Navigaziun

In a stanza en il center per requirents d'asil Lizirüti.
Legenda: In a stanza en il center per requirents d'asil Lizirüti. RTR, Selina Chistell
cuntegn

Ulteriur Grischun In gir tras il center da transit

Il center da transit Valbella a Litzirüti ha envidà la sonda passada la populuaziun ad in di da las portas avertas. Ils requirents d’asil ordiunds tranter auter l’Eritrea, l'Afghanistan ni la Siria han ensemen cun ils menaders mussau lur chombras, cuschinà ed era raquintà da lur vita.

Dapi fin favrer 2015 è il center da transit Valbella a Litzirüti en funcziun. Actualmain vivan 104 requirents d’asil en l’anteriura chasa da vacanzas a l’entschatta dal vitg da Litzirüti. Per dar in’invista a la populaziun ha l'uffizi da migraziun dal Grischun avert las portas dal center per visitadras e visitaders.

Armin Bühler, manader dal center da transit ha mussà las stanzas da scola, las chombras ed era declerà il manaschi. Sper discurs cun ils manaders ha la populaziun era pudì discurrer cun ils requirents d’asil. Da mezdi han ils abitants preschentà e fatg amogna spisas da lur patria.

Spisas ord ils pajais dals requirents d'asil.
Legenda: Spisas ord ils pajais dals requirents d'asil. RTR, Selina Chistell

Spisas da tut il mund

In grond buffet cun tratgas da tut il mund ha spetgà visitadras e visitaders. Ils requirents d’asil han per exempel fatg amogna ris dultsch cun mandlas ed ivettas da l'Afghanistan, charn nursa cun chilli da l’Etiopia ni era paun dal Sudan.

RR Actualitad 12:00