Siglir tar il cuntegn

Header

cuntegn

Ulteriur Grischun In bus cun «turbo-chargiader»

1'000 tonnas CO2 emetta in normal auto da posta en in onn. Il TOSA, in bus electric da la firma ta tecnologia ABB, n'emetta betg in gram. Per garantir, che la battaria dal bus na vegn betg vida, vegn quella chargiada adina puspè tar las fermadas. Temp per quai: 20 secundas.

TOSA?

Avrir la box Serrar la box

TOSA è ina scursanida per «Trolleybus Optimisation Système Alimentation». Dimena ina versiun optimada dal enconuschent trolleybus. L'optimaziun che ABB manegia, è ch'il bus na dovra naginas lingias da forza electrica. El piglia si l'energia tar las fermadas. Cun quai è el pli flexibel ch'in trolley normal.

Durant in'emna vegn il TOSA testà a Tavau. El circulescha tranter l'ospital e l'arena da hockey. Il bus, sco era las staziuns per chargiar, vegnan da Genevra. Là èn ils bus dad ABB schon durant plirs mais en acziun.

L'emprim pass

Per Gian Paul Calonder, l' incumbensà per l'ambient da Tavau, èn ils bus da l'ABB in pas en la dretga direcziun. Per sminuir las emissiuns da CO2 saja uschè in pass impurtant. Surtut per ina cità sco Tavau, nua che fitg blers bus charreschan. Per entant resta il traffic public però anc in giavisch. Suenter l'emna da test va il bus, sco era las staziuns per chargiar puspè a Genevra. La vischnanca da Tavau dastga lura decider, sch'els vulan investir en tals bus. Il punct da custs è segir in pussaivel crap da stgarpitsch, uschè Calonder. Sa chapescha, ch'in TOSA è in toc pli char ch'in bus normal.

RR actualitad 08:00

Artitgels legids il pli savens