Siglir tar il cuntegn
cuntegn

Ulteriur Grischun Implant solar è sin buna via

Investiders gronds mussan interess per l’implant solar planisà a St. Antönien. Quai ha il president communal da St. Antönien Jann Flütsch detg envers Radiotelevisiun Svizra Rumantscha.

Il vitg da St. Antönien d'enviern.
Legenda: L'implant solar duai vegnir realisà sin las lavineras sur il vitg da St. Antönien. mad

Anc communitgà nagins detagls

Enfin il di dad oz n'è dentant anc suttascrit nagut e perquai na vul la vischnanca era betg communitgar dapli. Flütsch spera dentant ch’els possian far ils proxim dis in pass decisiv en vista als custs da total 4,7 milliuns francs.

Ina pulita summa è ensemen

Cun signar aczias èn enfin ussa vegnì ensemen 700'000 francs, uschia il president communal da St. Antönien. Per realisar l'emprima etappa da l'implant solar en las lavineras da St. Antönien lascha la vischnanca vinavant signar certificats.

In project pass per pass

Per realisar l’implant solar vegn calculà en etappas pitschnas. Cun l'emprima etappa da l'implant duess vegnir producì electricitad per 280 chasadas. Daners dal maun public n'èn il mument betg previs per l’implant solar a St. Antönien.