Siglir tar il cuntegn

Header

cuntegn

Ulteriur Grischun Ils stgazis da la catedrala da Cuira per il public

L’uvestgieu da Cuira vul construir in nov museum cun objects da la catedrala per 7,8 milliuns francs. Sco l’uvestgieu da Cuira scriva è il nov museum la terza etappa da la restauraziun da la curt da l’uvestgieu.

La restauraziun cumpiglia en tut set etappas. Las emprimas duas èn uss realisadas. Ils custs per l’entira restauraziun muntan a 29 milliuns francs. Il chantun e la Confederaziun dattan ina subvenziun da 4 milliuns francs. Ils ulteriurs daners spera l’uvestgieu da pudair survegnir cun donaziuns.

Il «sautar dals morts»

En il center da la renovaziun ord da vista da la istorgia d’art stat la restauraziun dals maletgs dal «sautar dals morts da Cuira». Quels èn vegnids stgaffids enturn l’onn 1540 dal artists Hans Holbein il giuven. Questa ovra dal «sautar dals morts» è la pli veglia e cumpletta tala ovra en Svizra. Plirs onns era quella da vesair en il Museum Retic, ma ils ultims 40 onns era ella deponida en in deposit. Ils radund 25 maletgs vegnan uss restaurads ed alura exponids en il museum nov communabel cun ulteriurs stgazis ord da la catedrala da Cuira.

RR novitads 10:00

Artitgels legids il pli savens