Siglir tar il cuntegn
Inhalt

Ulteriur Grischun Il Rosenhügel sa dasda ord la sien da Rosaspina

Il parc tranter la via da Malix e la via en direcziun Lai duai vegnir pli attractiv. Quai cun agid da la citad da Cuira e l'uniun Art Public. Uschia duaja dar ils proxims onns projects da cultura en il parc.

La survista davent dal Hirschbühl
Legenda: La survista davent dal Hirschbühl RTR, GIAN CARLO CANDINAS

Il suprastant da Cuira Tom Leibundgut di che quest parc cun il «Rosenhügel» ed il «Hirschbühl» saja ì in zichel en emblidanza. Ils proxims onns veglian els perquai far pli attractiv quest lieu. Il «Rosenhügel» sco er il «Hirschbühl» èn giuvels da la citad da Cuira.

Il parc è spezials, cunquai ch'el saja sin ina plaunca pulit taissa. Quai saja insatge unic e tut insatge auter che auters parcs.

Planisà è tranter auter da metter amez la plaunca tar il «Hirschbühl» la maisa da premis («Gabentempel») veglia da la festa da tir dal 1890. La maisa stoppia be vegnir renovada, declera Leibundgut.

En il parc datti era festivals da cultura

Tenor l'uniun Art Public duai il Rosenhügel vegnir in lieu da sentupada per persunas che s'interesseschan per cultura. Perquai duai dar l'onn 2018 sco era l'onn 2019 festivals da cultura cun diversas producziuns. I saja planisà teaters, producziuns da musica ed era guids davart l'istorgia dal parc, di Luciano Fasciatti ch'è responsabels per il program.

RR novitads 17:00