Siglir tar il cuntegn
Inhalt

Ulteriur Grischun Il Grischun senta la primavaira

L'uffizi da sanadad dal Grischun cuntinuescha sia campagna «Mintga di 10’000 pass per tia sanadad». Sco quai che l'uffizi communitgescha, haja la campagna da dumbrar pass gì success.

dumbrar pass
Legenda: Ils Grischuns duain rimnar uschè blers pass sco pussaivel enfin ils 14 da zercladur 2015. mad

Cun «Il Grischun senta la primavaira» stattan fin mez zercladur 2015 il moviment ed ils sentiments da primavaira en il center.

En il Grischun na sa muventia mintga quarta persuna betg avunda, vul dir almain che 2 uras e mez l'emna. Cun l'acziun veglian ins motivar ils Grischuns da sa muventar dapli. In zic dapli moviment en il mintgadi possia mussar gronds effects.

Enfin mez zercladur rimna l'uffizi perquai uschè blers pass da la populaziun sco pussaivel. Rimnar ils pass pon ins cun agid dal dumbrapass che po vegnir retratg tar las bancas chantunalas.