Siglir tar il cuntegn

Header

cuntegn

Ulteriur Grischun Il fraid fa problems als ortulans

La fradaglia dals davos e dals proxims dis n'è betg mo malempernaivla per nus, mabain er per las flurs. Tar ils ortulans eran ellas gia preparadas per ils clients, ed han uss puspè stuì far midada en chasa da vaider.

La naiv e la fradaglia dals davos e dals proxims dis chaschuna er inqual problem tar ils ortulans. Quels avevan numnadamain gia preparà l'emna passada narcissas melnas, violas ed autras flurs. Quellas emplenivan gia ils vaschs ed ils chanasters da flurs.

audio
Il fraid fa problems als ortulans
ord Actualitad dals 20.03.2018.
laschar ir. Durada: 2 minutas 3 Secundas.

Flurs han stuì turnar en chasa da vaider

La naiv e las temperaturas fraidas han dentant spert puspè laschà metter en chasa da vaider las flurs, era tar il ortulan Urech a Cuira, quai di Jlea Viletta. Er hajan differents clients annunzià suenter la prognosa da naiv e temperaturas fraidas, d'anc betg vulair vegnir per las flurs empustadas. Els vegnian lura l'emna proxima u pir cura ch'i saja puspè pli chaud per ellas.

Quai chaschuna er in problem da plaz tar l'ortulan. Cunzunt perquai che las flurs da stad daventian gia plaunet actualas. Sch'ils clients vegnan dentant l'emna proxima per las flurs, lura giaja quai schon. E tgisa, forsa tanscha quai lura tuttina per ina bella decoraziun da Pasca cun las narcissas melnas.

Ils vaschs ed ils chanasters da flurs en il liber èn puspè vits.
Legenda: Ils vaschs ed ils chanasters da flurs en il liber èn puspè vits. RTR, Prisca Bundi

RR actualitad 17:00

Artitgels legids il pli savens