Siglir tar il cuntegn

Header

cuntegn

Ulteriur Grischun Il crap da fossa puspè chattà

Co ch'il poet Flori Aloisi Zarn è turnà ord l'emblidanza dals da Domat.

Cura ch'il prer pensiunà Giovanni Bargetzi ha chattà il crap da fossa dal poet da Domat Flori Aloisi Zarn, ha el savì: «I fiss donn e putgà sche quel vegniss destruì». Perquai ha el prendì si contact tranter auter cun l'avugada da la baselgia da s. Gion per pudair montar il crap en furma da tavla commemorativa en la curt da la baselgia. Ensemen cun duas biadias dal poet e la scola bilingua da Domat è la tavla la fin d'october vegnida inaugurada ed ina pulit gronda raspada è vegnida per salvar en memoria il poet popular da Domat Flori Aloisi Zarn.

audio
Saira: Turnà ord l'emblidanza dals da Domat
ord Actualitad dals 11.12.2018.
laschar ir. Durada: 3 minutas 51 Secundas.

Poet e raquintader

Flori Aloisi Zarn ha scrit differentas poesias ch'èn er vegnidas messas en musica ed el è stà in grond raquintader da istorgias, detgas e praulas. Da mastergn era el scrinari ed ha er fatg igl caluster a Domat. Ils onns 50 aveva il Radio Rumantsch fatg ina emissiun sur da Flori Aloisi Zarn.

RR actualitad 17:00

Artitgels legids il pli savens