Siglir tar il cuntegn

Header

video
«Babs moderns»
Or da Actualitad dals 07.06.2017.
laschar ir. Durada: 1 minuta 56 Secundas.
cuntegn

Ulteriur Grischun Il bab a chasa cun ils uffants = Il «bab modern»?

In'exposiziun da fotografias en il Center da furmaziun per la sanadad ed ils fatgs socials a Cuira mussa babs a chasa cun lur uffants - dal far tramagls, dar da mangiar fin tar il far sitg. Ma tge dian babs da quest maletg dal «bab modern»?

Ils babs che RTR ha dumandà a Cuira èn tuts da l'avis ch'i saja in bun svilup, sch'ils umens sa gidan e surpiglian dapli responsabladad per ils uffants ed en il tegnairchasa. L'in u l'auter ha dentant er menziunà ch'i saja mintgatant bunamain in zic in sfurzim en il senn da: «Ti na vas betg a nudar cun tes pops, lura n'ès betg in bun bab.»

Pia er in tschert squitsch da s'adattar al svilup da la societad – ad in pensar, nua ch'ils umens surpiglian adina dapli responsabladad per l'educaziun ed en il tegnairchasa. La quintessenza dals babs sin las vias da Cuira: I sto mintgamai constar per la situaziun dal pèrin, tgi che va a lavurar quant, u tgi che stat cura a chasa.

L'exposiziun en il Center da furmaziun per la sanadad ed ils fatgs socials a Cuira cuzza anc fin ils 22 da zercladur.

Artitgels legids il pli savens