HTW cun 30% dapli students

La HTW a Cuira ha cumenzà il nov semester cun in record da studentas e students: 501 persunas cumenzan lur studi da bachelor u da master a la scol'auta da tecnica ed economia. Sco la HTW communitgescha è quai in augment da radund 32% en cumparegliaziun cun l’onn passà.

Students a la presentaziun dal studi «Digital Business Management».

Legenda da maletgs: Students a la preschentaziun dal studi «Digital Business Management». HTW

La raschun per questas cifras sajan tranter auter ils dus novs roms da studi da bachelor «Photonics» e «Digital Business Management».

Dus novs roms cun 60 students

Il studi d’inschigner «Photonics» tracta tuts champs ch’han da far cun la glisch e si’applicaziun. Il studi «Digital Business Management» tracta economia da manaschi, informatica e cumpetenzas socialas e metodicas.

Ils novs roms da studi che la HTW porscha sco suletta scol’auta en Svizra frequentan 60 students novs.

1’233 students èn s’inscrits per il semester d'atun a la HTW.

RR novitads 11:00