Ulteriur Grischun - HTW Cuira duai star sin atgnas chommas
La regenza grischuna vul che Scol'auta da tecnica ed economia da Cuira HTW sa distatga da la l'Uniun da la Scol'auta Svizra orientala e fa perquai la dumonda correspundenta a la Confederaziun. Per il Grischun saja ina scol'auta independenta «d'impurtanza strategica», scriva la regenza.
Il chantun Grischun fa a la Confederaziun la dumonda da renconuscher la Scol’auta da tecnica ed economia da Cuira sco instituziun autonoma. Actualmain fa la HTW part da la Scol’auta da la Svizra orientala.
La furmaziun, la perscrutaziun ed ils servetschs da la HTW sajan ina pitga impurtanta per il svilup economic dal chantun, scriva la regenza. Il process da restructuraziun vegn er sustegnì da la regenza dal chantun Son Gagl.
