Siglir tar il cuntegn
cuntegn

Ulteriur Grischun Higa è cuntenta cun nov concept

La Higa 2017 è ida a la fin sonda saira. Il facit è tras e tras positivs e quai malgrad la bellezz'aura. Marco Engel, il schef da l'exposiziun quinta cun radund 10% pli paucs visitaders, quai sajan dentant anc adina radund 4'500 persunas per di.

Er degustar vin tutga tar la Higa.
Legenda: Er degustar vin tutga tar la Higa. Claudio Godenzi / Higa

Deplorablamain saja l'aura stada bellezza durant la Higa 2017 ch'ha cuzzà dals 20 fin ils 27 da matg. Quai hajan ins sa chapescha sentì, uschia Marco Engel il schef da l'exposiziun. Cifras exactas na dettia betg, el quintia però cun radund 10% pli paucs visitaders. Cuntent saja el dentant tuttina. El haja discurrì cun blers expositurs e quels sajan, malgrà pli pauca glieud, stads cuntents cun l'exposiziun.

Nov concept cun success

Sper quai haja er dà fitg bleras reacziuns positivas dals visitaders sin il nov concept cun zonas da repaus, cunzunt er perquai ch'i haja dà là aua frestga. Ed er las flurs ch'èn vegnidas exponidas per mussar la primavaira hajan procurà per bleras reacziuns positivas. Incaps n'haja quai er betg dà uschia ch'il facit da Marco Engel è tras e tras positivs.

RR novitads 17:00