L'onn 1968 ha Arno Jehli fundà la chapella Oberalp. Ensemen cun ella vala el sco icona da la musica populara. Il motto da la chapella «viagiar e musica collian». Ensemen han els gì bleras bellas uras, eran sin via per l'entir mund enturn ed han communablamain passentà bleras istorgias, per part chaussas ch'ins po strusch crair.
Arno Jehli ha era fatg accessibel la musica populara per in public che n'avess uschiglio mai chattà la via tar la folclora svizra. El vala era sco ideal per la nova generaziun da la musica populara.