Siglir tar il cuntegn

Header

cuntegn

Ulteriur Grischun Gronda festa per la pli gronda punt artgada en Svizra

Ella è 475 meters lunga ed ha custà 56 milliuns francs, la nova punt sur la val Tamina. Las festivitads davart la pli gronda punt artgada ch’i dat en Svizra cuzzan trais dis.

La punt collia Faveras cun Valens. Enfin ussa duvrav’ins mes’ura cun auto, dad in lieu a l’auter, cun la nova punt pon ins ir a pe en in pèr minutas dad in lieu a l’auter.

audio
Mezdi: La nova punt da la Val Tamina vegn inaugurada
ord Actualitad dals 09.06.2017.
laschar ir. Durada: 5 minutas 4 Secundas.

La punt collia

Per Ferdinand Riederer, president dal comité d’organisaziun ed anteriur president da la vischnanca da Faveras, ha la punt in’enorma muntada. Ella collia las scolas, ils pumpiers e las duas clinicas, dentant era l’agricultura ed il commerzi. La populaziun saja uss unida.

Festa spectaculara

Daditg hajan ils abitants siemià da questa punt. Uschia hajan blers fatg a mogna da sa participar vi da l’organisaziun da la festa. Sper ina festa cun DJs amez la punt datti tranter auter era ina show da velos che sgolan sur ina rampa, musica da tut ils geners, in martgà cun spezialitads regiunalas ed ina concurrenza da marschar da 12 uniuns da musica sin la punt. La populaziun saja intgantada e veglia festivar quai da rudent, di Ferdinand Riederer. Ils 22 da zercladur vegn la punt surdada als autos ed als automobilists.

video
La punt Tamina
Or da Telesguard dals 09.06.2017.
laschar ir. Durada: 3 minutas 27 Secundas.

RR actualitad 11:00

Artitgels legids il pli savens