Siglir tar il cuntegn
cuntegn

Ulteriur Grischun Grischuna gudogna concurrenza per giuvens pasterners

Da la concurrenza internaziunala per giuvens pasterners hai dà la pli auta distincziun per ina giuvna Grischuna. A Lyon en la Frantscha ha Nina Vogel da Maiavilla gudagnà ina medaglia d'aur. Ina medaglia d’argent hai dà per Angela Bissegger da Spiez en la part sura Bernaisa.

Nina Vogel cun ses products che han purtà la medaglia d'aur
Legenda: Nina Vogel cun ses products che han purtà la medaglia d'aur MAD

Nina Vogel ha absolvì ses emprendissadi en il café Signer a Zezras e lavura uss en il café Maron a Cuira.

18 candidatas e candidats èn sa participads a la concurrenza organisada da l'Uniun internaziunala dals pasterners e pastiziers. Entaifer sis uras han las candidatas ed ils candidats producì paun, paunets, sandwichs, pastizarias dultschas ed ina turta tar il tema «charezza».

La concurrenza è stada glindesdi ils 23 da schaner enfin mesemna ils 25 da schaner a Lyon.

RR novitads 17:00