Ulteriur Grischun - Grischuna fa part da la cumissiun naziunala PLANAT
Esther Casanova da Cuira cumplettescha la cumissiun extraparlamentara che s'occupa da privels da la natira, quai scriva la cumissiun en ina communicaziun.
Il Cussegl federal ha elegì trais novs commembers per la cumissiun extraparlamentara per privels da la natira PLANAT. Tranter quels er la planisadra da territori dal Grischun Esther Casanova. Sper ella èn Bernard Belk e Claudio Wiesmann vegnids elegids. Cun l'elecziun da quellas trais persunas è la cumissiun puspè cumpletta.
Tge fa la PLANAT?
Avrir la boxSerrar la box
La PLANAT ch'exista dapi il 1997 s'occupa cun la protecziun da privels da la natira e cusseglia il Cussegl federal en questas dumondas. La cumissiun sa cumpona da 18 persunas spezialisadas ch’il Cussegl federal elegia mintgamai per 4 onns.
