Siglir tar il cuntegn
Inhalt

Ulteriur Grischun Giuvenils evacuads dad insla dal Rain

In helicopter da la Rega ha evacuà sonda saira dus giuvenils d'ina insla dal Rain.

helicopter da la rega
Legenda: Maletg da simbol: La Rega ha salvà ils giuvenils. Keystone

Datiers da Vaz Sut sajan ils giuvenils durant ina grillada vegnids surprendids da l'aua creschenta. Silsuenter hajan els clamà la centrala d'alarm sanitar. Il helicopter haja lura sgulà ils giuvenils en segirtad. Quai communitgescha la polizia chantunala.

Rega cun 120 acziuns da salvament

In'ulteriura acziun da salvament ha la Rega gì la notg passada en la paraid dal nord dal Titlis. Duas gruppas da la Rega ensemen cun ina colonna d'agid SAC han spendrà a moda spectaculara in um dal Tessin. L'um era cupitgà e sa blessà sin la ruta «Piz dal nas», sco che la Rega scriva.

En tut ha la Rega fatg questa fin d'emna 120 acziuns da salvament.

RR novitads 16:00