Siglir tar il cuntegn

Ulteriur Grischun Fusiun Haldenstein cun Cuira - ma sulet tar il servetsch forestal

En l’ultima radunanza communala da la legislatura da venderdi passà ha la vischnanca da Haldenstein approvà la fusiun da ses servetsch forestal e tecnic cun quel da la citad da Cuira, quai cun 65 cunter 32 vuschs. Ma pir suenter ina lunga discussiun, scrivan ils responsabels da Haldenstein.

Ina ruina sur Haldenstein.
Legenda: Vista da la ruina da Haldenstein en la planira dal Rain. Keystone

En l’ultima radunanza communala da la legislatura actuala han ils da Haldenstein giu da decider davart ina revisiun da la planisaziun locala. Cunzunt l’integraziun da la tgira da monuments en il project ha dà bler da discutar, scriva la vischnanca da Haldenstein.

Uss han las votantas ed ils votants decis da vulair l'emprim dapli infurmaziuns e da far ina saira d’infurmaziun. Per pudair sclerir tge novas pussaivladads che la tgira da monuments survegniss tar renovaziuns e sbuvadas parzialas. La finala han ils da Haldenstein approvà il quint annual 2015, che serra cun in surpli da 127’000 francs tar amortisaziuns supplementaras da passa in mez milliun francs.

Ditg adia al president communal Robert Giger

L’ultima radunanza communala da la legislatura è era stada l’ultima radunanza dal president communal Robert Giger. La vischnanca ha surdà ad el sco er als ulteriurs commembers partents ina present. La nova perioda da legislatura cumenza l’emprim da fanadur 2016 cun la president nova Gerda Wissmeier-Gasser.

RR novitads 15:00